Wimbledon-ში ენდი მარეის ქანდაკება დაიდგმება!
ენდი მარეიმ პარასკევს გამოაცხადა, რომ ავსტრალიის ღია პირველობა მისთვის ბოლო ტურნირია, კარიერას კი უიმბლდონის დასრულების შემდეგ დაასრულებს. შოტლანდიელმა ვარსკვლავმა ამის მიზეზად თეძოს ქრონიკული ტრავმა დაასახელა.
მარეი AUS OPEN-ის პირველ წრეში რობერტო ბაუტისტა-აგუტს ხვდება და, შესაძლოა, მისი კარიერის ბოლო მატჩი სწორედ ეს გამოდგეს. ენდიმ წელს 2 თამაში ჩაატარა - ჯეიმს დაკვორტს მოუგო, ხოლო დანილ მედვედევთან დამარცხდა.
31 წლის მარეი უიმბლდონის 2 გზის გამარჯვებულია, 1936 წლის შემდეგ იგი პირველი ბრიტანელი ჩოგბურთელია, რომელმაც უიმბლდონი მოიგო, ასევე, პირველი ბრიტანელია, რომელმაც 1977 წლის შემდეგ დიდი სლემის ტიტულის მოპოვება შეძლო.
უიმბლდონის ხელმძღვანელობა გეგმავს, რომ All England Club-ში, სადაც უიმბლდონი ყოველწლიურად იმართება, მარეის ქანდაკება დაუდგას. ამის შესახებ კლუბის აღმასრულებელმა დირექტორმა, რიჩარდ ლუისმა განაცხადა.
Wimbledon is planning to honour two-time champion Andy Murray with a statue at the All England Club.
— BBC Sport (@BBCSport) January 14, 2019
More: https://t.co/MZqvZtiRSw pic.twitter.com/9I4opL9177
ენდი მარეის ATP-ს 45 ტიტული აქვს მოგებული, იგი ამერიკის ღია პირველობის გამარჯვებულია, ასევე, ავსტრალიის ღია პირველობის 6, ხოლო როლან გაროსის 1 ფინალში აქვს ნათამაშები. 2012 და 2016 წლებში ოლიმპიადის ოქროს მედლის მფლობელი გახდა, იმავე 2016-ში კი მამაკაცთა წლის შემაჯამებელი ტურნირი მოიგო.
მარეი მსოფლიოს პირველი ჩოგანი რამდენჯერმე გახლდათ, თუმცა ტრავმებმა მის კარიერას სერიოზული დაღი დაასვა და ენდის რამდენიმე ოპერაციის გადატანაც მოუწია.
