ზლატანი: "მესის ოქროს ბურთზე რონალდუ კი არა ფლორენტინო პერესი უწევდა კონკურენციას"
ლუკა მოდრიჩი ლეო მესისა და კრიშტიანუ რონალდუს 10 წლიანი დომინირების შემდეგ გახდა პირველი ფეხბურთელი, რომელმაც ოქროს ბურთის მოგება მოახერხა.
ხორვატი ფეხბურთელის გამარჯვებას ბევრი ცნობილი სახე, უამრავი გამოცემა და მილიონობით ქომაგი გამოეხმაურა.
საკმაოდ ბევრი გულშემატკივარი, თუ პროფესიონალი თვლის, რომ მოდრიჩი ამ პრიზს არ იმსახურებდა და ის რონალდუს უნდა მიეღო.
სულ სხვა აზრზეა ზლატან იბრაჰიმოვიჩი, რომელიც თვლის, რომ ამ პრიზს ყოველ წელს მესი იმსახურებს და არგენტინელის მთავარ კონკურენტად ფლორენტინო პერესს ასახელებს.
"როგორც აქამდე ვამბობდი, მესი ოქროს ბურთის მოგებას ყოველ წელს იმსახურებს. ამჟამად კი მოდრიჩი ნამდვილად არ ყოფილა მესის კონკურენტი ჯილდოსთვის ბრძოლაში.
ახლა უკვე ვიცით, რომ მესის ოქროს ბურთზე რონალდუ კი არა ფლორენტინო პერესი უწევდა კონკურენციას".
ნებისმიერ შემთხვევაში ფრაზა, რომ თითქოს მოდრიჩმა მესი-რონალდუს ჰეგემონია დაასრულა გადაჭარბებულია.
მიუხედავად იმისა, რომ ისინი ახლაგაზრდები აღარ არიან, წლევანდელ სეზონში ჩემპიონთა ლიგის მოგების მთავარ ფავორიტებად კვლავ მესისა და რონალდუს გუნდები ითვლებიან და საკმაოდ დიდი ალბათობით 2019 წლის ოქროს ბურთისთვის ბრძოლა კვლავინდებურად არგენტინელსა და პორტუგალიელს შორის გაჩაღდება.
