სანდრო კობახიძე:''არსენალში'' ფიქრობენ, რომ პოლტავა სამყაროს დასასრულია?''

უეფას ევროპა ლიგის 2018-19 წლების სეზონის ჯგუფური ეტაპის მე-5 ტურში პოლტავის ''ვორსკლა'' ლონდონის ''არსენალს'' შეხვდება.

უეფამ მატჩისწინა დღეს გადაწყვეტილება მიიღო, რომლის მიხედვით შეხვედრა პოლტავის სტადიონის ნაცვლად კიევის ოლიმპიურ სტადიონზე გაიმართება.

''ვორსკლას'' ქართველი ფეხბურთელი სანდრო კობახიძე ltava.poltava.ua-ს ესაუბრა: ''ვორსკლა'' რომ ცნობილი ევროპული კლუბი იყოს, უეფა მატჩის კიევში გამართვის გადაწყვეტილებას არ მიიღებდა. არ ვიცი ''არსენალის'' ფეხბურთელებს რატომ არ სურთ პოლტავაში ჩამოსვლა. შესაძლოა ფიქრობენ, რომ პოლტავა სამყაროს დასასრულია?''

უეფას ევროპა ლიგის E ჯგუფში 4 ტურის შემდეგ ''ვორსკლა'' და ''ყარაბაღი'' 3-3 ქულით მესამე-მეოთხე ადგილებს იყოფენ. მეხუთე ტურში ''ვორსკლა'' ''არსენალს'' უმასპინძლებს, ხოლო ლისაბონის ''სპორტინგი'' ''ყარაბაღს'' ესტუმრება.

კობახიძემ ევროპა ლიგის ჯგუფურ ეტაპზე მხოლოდ 1 მატჩი ჩაატარა, ლონდონის ''არსენალთან'' შეხვედრაში ითამაშა და შემდეგ მხარი დაიზინა, რის გამოც ფეხბურთს რამდენიმე თვით ჩამოშორდა. ''ვორსკლაში'' ქართველი მცველი ანდრო გიორგაძე ასპარეზობს, რომელსაც ევროპა ლიგაზე არ უთამაშია.