არის 11! ნადალმა რეკორდი გაიმეორა - ესპანელმა როლან გაროსი მოიგო!
"როლან გაროსის" მამაკაცთა თანრიგის 2018 წლის გამარჯვებული რაფაელ ნადალი გახდა. ესპანელმა ჩოგბურთელმა ფინალში ავსტრიელი, დომინიკ ტიემი სამ სეტში, 6:4; 6:3; 6:2 დაამარცხა. 24 წლის ავსტრიელი დიდი სლემის ტურნირების ფინალში პირველად თამაშობდა.
შეხვფედრა 2 საათსა და 44 წუთს გაგრძელდა. ნადალს ეისი არ ჰქონია, ორმაგი შეცდომა კი 3-ჯერ დაუშვა. "მატადორმა" 26 ვინერი შეასრულა, რაც მეტოქის მაჩვენებელზე 12-ით ნაკლები იყო. სამაგიეროდ, რაფას 24 უნებლიე შეცდომა ჰქონდა, ტიმს კი - 42.
.@RafaelNadal takes it up a notch.#RG18 pic.twitter.com/CKaagmisuT
— Roland-Garros (@rolandgarros) June 10, 2018
ნადალმა უშუალოდ "როლან გაროსი" მე-11-ედ მოიგო, რითაც ავსტრალიელ ჩოგბურთელს, მარგარეტ კორტს გაუთანაბრდა, რომელსაც დიდი სლემის კიდევ ერთი ტურნირი, ავსტრალიის ღია პირველობა ასევე 11-ჯერ აქვს მოგებული. ამიერიდან, ნადალი და კორტი ღია ერის რეკორდის თანამფლობელები არიან.
ლეგენდარულმა ესპანელმა კარიერაში დიდი სლემის მე-17 ტურნირი მოიგო და ამ მაჩვენებლით მხოლოდ როჯერ ფედერერს ჩამორჩება, რომელსაც 20 ტიტული აქვს.
Witness history.
— Roland-Garros (@rolandgarros) June 10, 2018
Congratulations on Roland-Garros title No.11 @RafaelNadal!#RG18 pic.twitter.com/Pzorl5PnZj
32 წლის ნადალმა "როლან გაროსზე" სარეიტინგო ქულები დაიცვა, რითაც მსოფლიო რეიტინგის პირველი ადგილი შეინარჩუნა.
ასევე საინტერესოა, რომ მოქმედ ჩოგბურთელთაგან, 1 კონკრეტული ტიტული 11-ჯერ მხოლოდ ნადალს აქვს მოგებული, თანაც ეს 3 სხვადასხვა ტურნირს ეხება - "როლან გაროსს", მონტე კარლოს მასტერსსა და ბარსელონას ტურნირს. მეორე ადგილზე როჯერ ფედერერია, რომელმაც ჰალეში საჩემპიონო თასი 9-ჯერ მოიგო.
