skysports: "სიტიმ" უოკერის ტრანსფერი შეათანხმა!
ბრიტანული skysports-ის ინფორმაციით, "მანჩესტერ სიტი" კაილ უოკერს ყველაზე ძვირადღირებულ მცველად აქცევს.
"ქალაქელები" "ტოტენჰემს" 50 მილიონ ფუნტს (56 მილიონი ევრო) გადაუხდიან და კვირის ბოლომდე ტრანსფერს ოფიციალურად გამოაცხადებენ.
იმავე skysports-ის თქმით, 27 წლის განაპირა მცველი ახალ კლუბში სამედიცინო შემოწმებას ხვალ გაივლის.
უოკერი "ტოტენჰემის" რიგებში 2009 წლიდან ირიცხება და მისი ფორმით 200-ზე მეტჯერ უთამაშია.
აქვე დავამატოთ, რომ "სიტი" პარალელურად "მონაკოს" ბენჟამინ მენდის ტრანსფერზე ელაპარაკება და ამ გარიგების წარმატებით დასრულების ალბათობაც მაღალია.
