ბასილაშვილი ცონგასთან 3 სეტში დამარცხდა
ქართველი ჩოგბურთელი, ნიკოლოზ ბასილაშვილი, ლიონის ტურნირს 1/2 ფინალში, ჟო-ვილფრიდ ცონგასთან მატჩის შემდეგ გამოეთიშა.
შეხვედრის პირველი სეტი ფრანგმა 6:2 აიღო, ხოლო მეორე პარტიაში ბასილაშვილმა უპირატესობა მოიპოვა და სეტი 6:3 დახურა.
გადამწყვეტი პარტია ისევ ცონგამ დაიტოვა და ფინალის საგზურიც ირგუნა - 6:2 3:6 6:1.
ცონგა ფინალურ შეხვედრაში ტომაშ ბერდიხს შეხვდება.
25 წლის ქართველი ორშაბათიდან "როლან გაროსის" ძირითად ბადეში ჩაერთვება. მისი პირველი მეტოქე ფრანგი ჟილ სიმონია.