შარაპოვას "როლან გაროსზე" არ დაუშვებენ
მიმდინარე საჩოგბურთო სეზონის მეორე "დიდი სლემის" ტურნირიც მარია შარაპოვას გარეშე ჩაივლის.
"ჩვენ "ველური ბარათების" გაცემა მხოლოდ ტრავმის შემდეგ დაბრუნებულ ჩოგბურთელებზე შეგვიძლია და არა - დოპინგ-სკანდალში გახვეულ მოთამაშეებზე.
მას ალბათ იმედი გაუცრუვდება, თუმცა ჩვენ სპორტს პატივი უნდა ვცეთ და წესრიგი დავიცვათ". - განაცხადა საფრანგეთის ჩოგბურთის ფედერაციის პრეზიდენტმა, ბერნარდ ჯიუდიჩელიმ.
30 წლის შარაპოვამ გასულ წელს პრეპარატ მელდონიუმის მოხმარების გამო 1 წლიანი დისკვალიფიკაცია მოიხადა და კორტს აპრილის თვეში დაუბრუნდა.
