შესაძლოა, ციციპასს შეხვდეს | ბასილაშვილი ალმათის ღია პირველობის 1/4-ფინალშია

ყაზახეთში მიმდინარე ალმათის ღია პირველობის 1/4-ფინალში ნიკოლოზ ბასილაშვილი (128) ფრანგ ადრიან მანარინოს  (79) დაუპირისპირდა და მეტოქე ორ სეტში დაამარცხა - 6:3, 6:1.

34 წლის ბასილაშვილმა შეხვედრა მაღალ ტემპში დაიწყო და პირველი სეტი 40 წუთში 6:3 მოიგო. მეორე სეტში ნიკოლოზის უპირატესობა კიდევ უფრო აშკარა გახდა — ქართველმა ჩოგბურთელმა მეტოქეს მხოლოდ ერთი გეიმი დაუთმო და სეტი 30 წუთში, 6:1 დაასრულა. შეხვედრა საათი და 10 წუთი გრძელდებოდა.

1/16-ფინალში ბასილაშვილმა მარინ ჩილიჩი (84) გამოთიშა (2:6, 5:7), შემდეგ კი არგენტინელი ფაკუნდო დიას აკოსტა (71) დაამარცხა (2:6, 4:6).

ნახევარფინალში ნიკოლოზ ბასილაშვილის მეტოქე სტეფანოს ციციპასსა (7) და ჯეიმს დაქვორთს (73) შორის გამარჯვებული იქნება.