მამაგეიშვილის საგოლე პასი - შტურმმა ავსტრიის თასის პირველი ეტაპი დაძლია

ავსტრიის თასის პირველ წრეში გიზი მამაგეიშვილისა და ოთარ კიტეიშვილის „შტურმი“ სტუმრად მესამე ლიგის წარმომადგენელ „ზეეკირხენს“ დაუპირისპირდა და 2:0 დაამარცხა.

მამაგეიშვილი ძირითად შემადგენლობაში მოგვევლინა და ერთ-ერთი ყველაზე აქტიური იყო. ანგარიში მე-40 წუთზე სწორედ ქართველი ფეხბურთელის პასის შემდეგ გაიხსნა: მამაგეიშვილის გადაცემა გოლად სიმონ ზაიდლმა აქცია.

მეორე ტაიმში მამაგეიშვილი კვლავ აქტიური იყო, გოლთანაც იყო ახლოს, თუმცა მისი საჯარიმო დარტყმა მეკარემ მოიგერია. 50-ე წუთზე რაიან ფოსომ სტუმართა უპირატესობა ორამდე გაზარდა.

მამაგეიშვილი მწვრთნელმა 63-ე წუთზე შეცვალა, 85-ე წუთზე კი ცვლილებაზე შესულმა შიმონ ვლოდარჩიკმა „შტურმის“ მესამე გოლი გაიტანა და საბოლოო ანგარიში დააფიქსირა. რაც შეეხება კიტეიშვილს, მას ფაბიო ინგოლიჩმა დასვენების საშუალება მისცა.

მამაგეიშვილის საგოლე პასი და ყველა მომენტი