„ნორვეგიული ფეხბურთის ისტორიაში ყველაზე დიდი გამარჯვებაა“ - ჰოლანდი
მსოფლიო ჩემპიონატის 1/8 ფინალში, ნორვეგიის ნაკრებმა ბრაზილია 2:1 დაამარცხა და 1/4 ფინალში თამაშის უფლება მოიპოვა. ნორვეგიელთა მხრიდან ორივე გოლი ერლინგ ჰოლანდმა გაიტანა. მატჩის დასრულების შემდეგ 25 წლის ფორვარდმა განვლილი შეხვედრა შეაფასა.
რა თქვა ჰოლანდმა:
„შესაძლოა, ეს მოვლენა ნორვეგიის ისტორიაში შევიდეს. ყველა უბრალოდ უნდა დატკბეს ამ მომენტით. ეს გიჟური დღეა - ერთ-ერთი ყველაზე შთამბეჭდავი დღე ნორვეგიის ისტორიაში. უბრალოდ უნდა გვიხაროდეს ის, რაც ხდება და ვაფასებდეთ ამ მომენტს.
ამით ძალიან ვამაყობთ, ბრაზილიის წინააღმდეგ მატჩი, უდავოდ, ნორვეგიისთვის უმნიშვნელოვანეს მოვლენად იქცა. ვფიქრობ, ეს ბევრ ახალგაზრდას შთააგონებს - ისევე, როგორც ოდესღაც მე მაძლევდა მოტივაციას ახალგაზრდობაში. ყველამ უნდა ისიამოვნოს ამ შესანიშნავი გამარჯვებით - უდიდესით ნორვეგიული ფეხბურთის ისტორიაში. ეს უბრალოდ დაუჯერებელია, ეს ყველაფერი საოცრებაა.
თითოეული მატჩი უნიკალურია. ერთი შანსი გვჭირდებოდა, მნიშვნელოვანი იყო შესაძლებლობას დავლოდებოდით და უბრალოდ გამოგვეყენებინა ის, როცა ამის შესაძლებლობა მოგვეცემოდა.
თავით გატანილი გოლით ანგარიში 1:0 გახდა. მეორე ბურთი კი — რაღაც დაუჯერებელი, უბრალოდ სიგიჟე იყო. ეს ნორვეგიის ისტორიაში უდიადესი მატჩია. ვამაყობთ იმით, რომ კოტ-დ’ივუარი და ბრაზილია დავამარცხეთ.“
1/4 ფინალში ნორვეგიის ნაკრები ინგლისს დაუპირისპირდება, რომელმაც თავის მატჩში მექსიკას 3:2 მოუგო. გუნდებს შორის 1/4 ფინალური შეხვედრა 12 ივლისს, საქართველოს დროით 01:00 საათზე გაიმართება.
