ალჟირის ქამბექი იორდანიასთან - არგენტინამ პირველი ადგილი გაინაღდა
მსოფლიო ჩემპიონატზე J ჯგუფის მეორე ტურში ალჟირის ნაკრებმა იორდანია დაძაბულ ბრძოლაში 2:1 დაამარცხა და პლეი-ოფში გასვლის შანსი შეინარჩუნა.
იმის მიუხედავად, რომ 36-ე წუთიდან იორდანიელები 1:0 იგებდნენ, მეორე ნახევარში აფრიკელებმა თამაშის შემოტრიალება შეძლეს და მნიშვნელოვანი გამარჯვება მოიპოვეს. ალჟირმა ანგარიში 69-ე წუთზე, ბენბუალის გოლით გაათანაბრა, გამარჯვების გოლი კი 82-ე წუთზე ამინე გუირიმ გაიტანა.
ამ გამარჯვებით, ალჟირმა ჯგუფში პირველი სამი ქულა მოიპოვა და მესამე პოზიციაზე გადაინაცვლა, იორდანიამ კი პლეი-ოფში გასვლის შანსი დაკარგა. მომდევნო ტურში ალჟირი ავსტრიას შეხვდება, იორდანია კი არგენტინას დაუპირისპირდება. ასევე, ალჟირის მოგებამ არგენტინას გუნდში პირველი ადგილი გაუნაღდა.
