ლავეცი: სანამ მესის თამაში სურს, სარგებლის მოტანას გააგრძელებს

არგენტინის ნაკრების ყოფილმა შემტევმა, ესეკიელ ლავესიმ 2026 წლის მსოფლიო ჩემპიონატზე ლიონელ მესის მონაწილეობის შესახებ საკუთარი მოსაზრებები გააზიარა.

„მესის ისტორიაში საუკეთესოდ მიიჩნევენ. მაშინ სხვებისთვის რა სტანდარტებს აწესებთ? მისი შედარება შეუძლებელია.

სანამ მას თამაში სურს, სარგებლის მოტანას გააგრძელებს, თუნდაც ოდნავ უკან დახევით და საყრდენ ნახევარმცველად თამაშით, პასების გაკეთებით. და ის გოლებსაც გაიტანს, თუ მოისურვებს.

ვფიქრობ, ყველაფერი მის თავშია, იმაში, თუ რამდენად შორს სურს წასვლა. საქმე ისაა, რომ მას სურს მოიგოს ყველაფერი, რასაც თამაშობს. უბრალოდ ასეთია.

აი, რატომ აქვს მას „ოქროს ბურთი“ და რატომ ამბობს ხალხი, რომ ის ისტორიაში საუკეთესოა. მას აქვს სტაბილურობა და წარმატების წყურვილი, რაც სხვებს არ გააჩნიათ“,

- განაცხადა ლავესიმ.