„მისი პროგრესი უზარმაზარია. სწორ მწვრთნელებთან მოხვდა“ - ყოფილი მწვრთნელი

ყაზანის „რუბინში“ ხვიჩა კვარაცხელიას ყოფილმა მწვრთნელმა, რომან შარონოვმა ქართველი შემტევის შესახებ ისაუბრა და ოქროს ბურთის მოგების შანსები შეაფასა.

რას ამბობს შარონოვი:

„ხვიჩამ უზარმაზარი პროგრესი განიცადა, მოხვდა სწორ გუნდებში და სწორ მწვრთნელებთან. იმედი მაქვს, ის მოიგებს „ოქროს ბურთს“, მაგრამ არ დაივიწყებს თანაგუნდელებს. ხომ ფაქტია, რომ „პსჟ“-ს ერთ-ერთი ყველაზე ძლიერი თვისება - გუნდური სულისკვეთება და ის თამაშის სტილია, რომელიც ლუის ენრიკემ შექმნა. ვფიქრობ, ამით „არსენალიც“ გამოირჩევა“.

ხვიჩა კვარაცხელიამ პსჟ-სთან ერთად 2025/26 წლების სეზონში საფრანგეთის ლიგა 1 და ჩემპიონთა ლიგა მოიგო. სეზონის დასრულების შემდეგ ქართველი შემტევი ჩემპიონთა ლიგის საუკეთესო ფეხბურთელად დასახელდა.