კვარამ გაიტანა - პსჟ ლიგა 1-ის ჩემპიონია

ლიგა 1-ის 33-ე ტურში პსჟ სტუმრად „ლანსს“ დაუპირისპირდა და 2:0 დაამარცხა. რის შემდეგაც, ლუის ენრიკეს გუნდმა ჩემპიონობა ოფიციალურად გაიფორმა.

ისტორიაში რიგით მე-14 ჩემპიონობის გამფორმებელი გოლებიდან პირველის ავტორი ხვიჩა კვარაცხელია გახდა, რომელმაც 29-ე წუთზე უსმან დემბელეს ჩაჭრისა და პასის შემდეგ, ერთი-ერთზე იდეალურად დაარტყა და მატჩის ერთადერთი გოლი გაიტანა.

ჯამში კვარამ 72 წუთი ითამაშა და მის ნაცვლად შეხვედრაში გონსალუ რამუში ჩაერთო. ისევე როგორც მთლიანად პსჟ-ს, კვარაცხელიასაც მომენტებით დახუნძლული მატჩი არ ჰქონია. ლუის ენრიკემ ძალების დაზოგვითა და ყველანაირი რისკის გარეშე გეგმა შეასრულა და მთავარ კონკურენტს მისსავე მოედანზე მოუგო.

შეხვედრაში წერტილი 94-ე წუთზე 18 წლის იბრაჰიმ მბაიემ დასვა.

ხვიჩასთვის ეს ლიგა 1-ში გატანილი მე-8 გოლი იყო.

პსჟ ბოლო ტურის შეხვედრას 17 მაისს თანაქალაქელ „პარიზთან“ გამართავენ. 30 მაისს კი ბუდაპეშტში ჩემპიონთა ლიგის ფინალში ლონდონის „არსენალთან“ წლის მატჩი ელით.