NBA | სპურსმა მინესოტას გაუთანაბრა, ნიქსმა ფილადელფიას ისევ მოუგო

ნაციონალურ საკალათბურთო ასოციაციაში პლეიოფის მეორე რაუნდის მეორე მატჩები ჩატარდა. „ნიუ იორკ ნიქსმა“ საკუთარ კედლებში „ფილადელფია სევენთი სიქსერსს“ მოუგო - 108:102 და სერიაში ანგარიში 2:0 გახადა.

„ფილადელფიას“ ტრავმის გამო ჯოელ ემბიდი ვერ ეხმარებოდა, მის არყოფნაში კი ყველაზე მეტი, 26 ქულა ტაირიზ მაქსიმ ჩააგდო, პოლ ჯორჯმა და კელი უბრემ კი მატჩი 19-19 ქულით დაასრულეს. რაც შეეხება „ნიქსს“, ტრადიციულად ნიუიორკელებს ჯეილენ ბრანსონმა ულიდერა - 26 ქულა, 1 მოხსნა, 6 შედეგიანი გადაცემა. ოჯი ანუნობიმ 24 ქულა დააგროვა, კარლ ენტონი თაუნსს კი სამმაგ დუბლამდე 3 შედეგიანი გადაცემა დააკლდა - 20 ქულა, 10 მოხსნა, 7 შედეგიანი გადაცემა.

კიდევ ერთ შეხვედრაში „სან ანტონიო სპურსმა“ „მინესოტა ტიმბერვულვზს“ 133:95 მოუგო და სერიაში ანგარიში გაათანაბრა.

ენტონი ედვარდსი კვლავ „მგლების“ სათადარიგოთა სკამზე იყო - „ენთმენი“ ჯერ ოპტიმალურ ფორმაში არაა: მან პარკეტზე მხოლოდ 24 წუთი გაატარა (12 ქულა, 3 მოხსნა). ყველაზე შედეგიანი „სპურსის“ რიგებში სტეფონ კასლი იყო (21 ქულა, 4 მოხსნა, 4 შედეგიანი გადაცემა). ვიქტორ ვემბანიამამ მატჩი ორმაგი დუბლით დაასრულა (19 ქულა, 15 მოხსნა), დეაარონ ფოქსის აქტივში კი 16 ქულაა.