ლიგა 1-ის წლის სიმბოლურ ნაკრებში შეიყვანეს | კვარა საუკეთესო მარცხენა გარემარბებს შორის

ცნობილმა სტატისტიკურმა სააგენტომ, Sofascore-მა, ლიგა 1-ის წლის სიმბოლური ნაკრები შეადგინა. Sofascore-ის ტოპ 11-ში „პარი სენ-ჟერმენის“ სამი ფეხბურთელი მოხვდა და ერთ-ერთი მათგანი ხვიჩა კვარაცხელია გახლავთ.

Sofascore-ის მიხედვით, ლიგა 1-ში „კვარას“ საშუალო შეფასება 7.27 იყო, რაც სიმბოლურ ნაკრებში მოსახვედრად საკმარისი აღმოჩნდა. მის გარდა, პსჟ-დან გამოარჩიეს ვიტინია (7.57) და ლუკას ბერალდო (7.24).

მათ გარდა, წლის სიმბოლურ ნაკრებში მოხვდნენ: ამინ გუირი („მარსელი“), მეისონ გრინვუდი („მარსელი“), ანდრეი სანტოსი („სტრასბურგი“), ადრიენ რაბიო („მარსელი“/„მილანი“), ადრიენ ტრიუფერი („რენი“), რიბეირო („ლილი“), არონ დიუნუმი („ტულუზა“) და ჯორჯე პეტროვიჩი („სტრასბურგი“).

გეტყვით იმასაც, რომ სპორტულმა პლატფორმამ Score 90-მა ხვიჩა კვარაცხელია 2025 წლის მეორე საუკეთესო მარცხენა გარემარბად დაასახელა. ქართველ ფეხბურთელს მხოლოდ რაფინია უსწრებს, მის შემდეგ კი ვინისიუს ჟუნიორი, ლუის დიასი და მაიკლ ოლისე მოდიან.