შერმადინის სუსტი მატჩი - ტენერიფემ ჟირონას მოუგო
ესპანეთის საკალათბურთო ჩემპიონატის მორიგ ტურში ლაგუნა ტენერიფე ბასკეტ ჟირონას დაუპირისპირდა და მძიმე ბრძოლაში 89:96 დამარცხდა.
როგორც ყოველთვის, გიორგი შერმადინი ძირითად შემადგენლობაში მოგვევლინა, თუმცა მას საკმაოდ სუსტი მატჩი ჰქონდა.
ქართველმა კალათბურთელმა პარკეტზე 21 წუთი და 35 წამი დაყო. ამ პერიოდის განმავლობაში მან მხოლოდ 2 ქულა, 6 მოხსნა და 1 პასი მიითვალა.
შერმადინმა ორივე ქულა ბოლო მეოთხედში საჯარიმო ტყორცნებით ჩააგდო, იქამდე კი ორჯერ სცადა 2-ქულიანის ჩაგდება, თუმცა უშედეგოდ. ტენერიფეს მხრიდან საუკეთესო ვან ბეკი იყო, რომელმაც არასრულ 21 წუთში 27 ქულა და 2 პასი დააგროვა.
შეგახსენებთ, რომ ამ მატჩის შემდეგ, ლაგუნა ტენერიფეს 16 ქულა დაუგროვდა და სატურნირო ცხრილში მე-4 ადგილზე იმყოფება.
???? La Laguna Tenerife 'asalta' el fortín de Fontajau ‼️
— La Laguna Tenerife (@CB1939Canarias) December 20, 2025
???? Los nuestros se llevan un PARTIDAZO para seguir aferrados a la zona noble. ¡Feliz NAVIDAD, afición!
???????? #VamosCanarias pic.twitter.com/ou7v9fYzlV
