პუშკაშს გადაასწრო - მესიმ ახალი საფეხბურთო ისტორია დაწერა

MLS-ის აღმოსავლეთ კონფერენციის ფინალში ინტერ მაიამი ნიუ-იორკს დაუპირისპირდა და 5:1 გაანადგურა. დევიდ ბექჰემის გუნდმა აღმოსავლეთ კონფერენცია მოიგო და სუპერ ფინალში ვანკუვერს დაუპირისპირდება.

აღნიშნულ დაპირისპირებაში ისტორიული ფაქტი დაფიქსირდა. მესამე გოლის დროს, საგოლე პასი მესიმ გააკეთა. ამით კი არგენტინელმა სუპერვარსკვლავმა ისტორია გადაწერა.

დღეიდან, ოფიციალურად, ფეხბურთის ისტორიაში ლიონელ მესის ყველაზე მეტი საგოლე გადაცემა აქვს - 405! ლეომ პუშკაშის რეკორდი გააუმჯობესა, რომელსაც კარიერაში 404 ასისტი ჰქონდა.

შეგახსენებთ, რომ მიმდინარე სეზონში 8 ოქროს ბურთის მფლობელს საოცარი სტატისტიკა აქვს. ყველა ტურნირზე ერთად 48 მატჩში მიიღო მონაწილეობა, 43 გოლი გაიტანა და 24 საგოლე გადაცემა შეასრულა.