ფეხბურთელებმა გამარჯვების წყურვილი დაკარგეს | სანიოლი მორიგი მარცხის შემდეგ

მსოფლიოს ჩემპიონატის შესარჩევი ციკლის ბოლო ტურში ბულგარეთმა სოფიაში საქართველოს 2:1 მოუგო. მორიგი მარცხის შემდეგ ვილი სანიოლმა კომენტარი გააკეთა:

„ფეხბურთელებთან ძალიან კარგი ურთიერთობა მაქვს, მაგრამ მათ გამარჯვების წყურვილი, „შიმშილი’’ დაკარგეს. მზად იყვნენ, რომ გამარჯვებისთვის ყველაფერი გაეღოთ, მეტოქე „შეეჭამათ’’, მაგრამ ახლა განსხვავებული ვითარებაა, ევროპის ჩემპიონატის შემდეგ ეს გრძნობა გაქრა და თუ ვერ დაიბრუნებენ, პროგრესი არ იქნება’’.

მსოფლიოს ჩემპიონატის შესარჩევ ციკლში საქართველოს ეროვნულმა ნაკრებმა 6-დან მხოლოდ 1 მატჩი მოიგო, 5 დათმო. სანიოლის გუნდმა 7 გოლი გაიტანა, 15 გაუშვა. პირველზე ესპანეთი 16 ქულით გავიდა, თურქეთმა 13 ქულით მეორე ადგილიზე დაიკავა, საქართველოსა და ბულგარეთის აქტივში 3-3 ქულაა. ესპანეთმა მუნდიალის საგზური მოიპოვა, თურქეთმა ფლეი-ოფში უნდა ითამაშოს, საქართველო და ბულგარეთი ამ ბრძოლას დაემშვიდობნენ.