„ეს მთელი გუნდის დამსახურებაა“ - კიტეიშვილი ავსტრიის ჩემპიონატის საუკეთესო ფეხბურთელად დასახელდა
საქართველოს ნაკრების და გრაცის „შტურმის“ ნახევარმცველი, ოთარ კიტეიშვილი ავსტრიის ბუნდესლიგის 2024/25 წლების საუკეთესო ფეხბურთელად დაასახელეს.
ცოტა ხნის წინ, ავსტრიის დედაქალაქ ვენაში Bruno-Gala 2024/25-ის დაჯილდოების ცერემონია გაიმართა, სადაც ავსტრიის ბუნდესლიგის სეზონის საუკეთესო ფეხბურთელებს ავლელენ, წლის საუკეთესო მოთამაშის ჯილდო კი ქართველმა ფეხბურთელმა დაისაკუთრა. საგულისხმოა, რომ ოთარ კიტეიშვილმა ეს ჯილდო ზედიზედ მეორედ მოიგო.
თავად ქართველი ფეხბურთელი დღევანდელ დაჯილდოებას ვერ ესწრებოდა, რადგან უკვე ესპანეთში, საქართველოს ეროვნულ ნაკრებთან ერთად იმყოფება შეკრებაზე, თუმცა, კიტეიშვილმა დაჯილდოების ცერემონიალზე შეკრებილ საზოგადოებას სიტყვით სპეციალური ვიდეოჩანაწერიდან მიმართა.
რა თქვა კიტეიშვილმა:
„მადლობა ყველას, ვინც ხმა მომცა. ეს ასევე დიდი პატივისცემაა მთელი გუნდის მიმართ, რომლის მხარდაჭერის გარეშეც ამ ჯილდოს მოგება შეუძლებელი იქნებოდა.“
გასულ სეზონში, კიტეიშვილმა ავსტრიის ბუნდესლიგაში 32 მატჩი ჩაატარა, 12 გოლი გაიტანა და 3 საგოლე გადაცემა შეასრულა, გრაცის „შტურმი“ კი ავსტრიის ჩემპიონი გახდა. საგულისხმოა, რომ 2024/25 წლების სეზონი კიტეიშვილს კარიერაში ყველაზე შედეგიანი ჰქონდა.
