იჯარის წესით გაუშვეს | ქარსელაძე აკადემიკაში ითამაშებს

„რიუ ავემ“ გიორგი ქარსელაძის იჯარის წესით გაშვების გადაწყვეტილება მიიღო. ავტორიტეტული პორტუგალიური გამოცემის, Record-ის ინფორმაციით, გიორგი ქარსელაძე „აკადემიკაში“ გაანათხოვრეს.

Record-ის ცნობით, „ქარსე“ უკვე კოიმბრაში იმყოფება და კლუბთან ხელშეკრულებას უახლოეს პერიოდში გააფორმებს. 20 წლის ქართველი განაპირა მცველი „აკადემიკაში“ ერთი წლით გაანათხოვრეს და მალე ყველაფერი ოფიციალურად დადასტურდება.

ქარსელაძე „რიუ ავეს“ აღზრდილია. 2022-23 წლების სეზონში პირველ გუნდში პორტუგალიის უმაღლეს ლიგაში ორ მატჩში ითამაშა. მას შემდეგ პირველ გუნდთან ერთად რეგულარულად ვარჯიშობს და ოფიციალურ მატჩებს 23-წლამდე გუნდში ატარებს.

გიორგი ქარსელაძე საქართველოს მოქალაქეა, საქართველოს 19 და 20-წლამდე ნაკრებებში უთამაშია. გასულ სეზონში მან მონაწილეობა 27 შეხვედრაში მიიღო და ორი საგოლე გადაცემა მიითვალა. რაც შეეხება „აკადემიკას“, ეს გუნდი პორტუგალიის რანგით მესამე დივიზიონში ასპარეზობს.