ჩვენი მეტოქეები ევრო 2024-ზე | ჩეხეთმა მალტა 7:1 გაანადგურა
ევროპის ჩემპიონატის F ჯგუფში, საქართველოს ნაკრების ერთ-ერთი მეტოქე, ჩეხეთის ეროვნული გუნდი ავსტრიაში ემზადება და დღეს, ამხანაგური მატჩი გამართა. ივან ჰაშეკის ბიჭები მალტას დაუპირისპირდნენ და მეტოქე 7:1 გაანადგურეს.
ჩეხებმა ანგარიში მატჩის სტარტზევე გახსნეს. მალტის ნაკრების კარის მიმართულებით თერთმეტმეტრიანი დაინიშნა, რომელიც ანტონინ ბარაკმა გამოიყენა. 44-ე წუთზე, მოიმირ ჩიტილმა ვლადიმირ ცოუფალის გადაცემით ისარგებლა და საკუთარ გუნდს პირველი ტაიმი 2:0 მოაგებინა.
48-ე წუთზე, დავიდ იურაშეკმა გაიტანა, 9 წუთში კი, ჩიტილმა ცოუფალის გადაცემა კიდევ ერთხელ გამოიყენა და დუბლი შეასრულა. მალტამ პრესტიჟის ბურთი 59-ე წუთზე შეაგდო, თუმცა 71-ე, 86-ე და 89-ე წუთებზე ლინგრისგან, იურაშეკისგან და ჩერნისგან გოლები მიიღო და 1:7 დამარცხდა.
ცნობისთვის, შეგახსენებთ, რომ ჩეხეთის ნაკრები პირველ შეხვედრას 18 ივნისს გამართავს და პორტუგალიას დაუპირისპირდება. მეორე მატჩი მათ საქართველოსთან ელით, ხოლო ბოლო ტურში თურქეთს შეხვდებიან.
