დიდი დანაკლისი ბარსელონაში | პედრი და დე იონგი ნაპოლისთან ვერ ითამაშებენ
კატალონიის „ბარსელონამ“ ოფიციალური განცხადება გაავრცელა და ფრენკი დე იონგისა და პედრის ჯანმრთელობის მდგომარეობაზე უახლესი ინფორმაცია მოგვაწოდა. „ბლაუგრანას“ განცხადების მიხედვით, დე იონგმა მარჯვენა კოჭის მყესი დაიზიანა, პედრის კი ბარძაყის ოთხთავა კუნთი აწუხებს.
???????????????????????????? ????????????????❗️
— FC Barcelona (@FCBarcelona) March 4, 2024
➡ Frenkie de Jong has a lateral ligament sprain in his right ankle.
➡ Pedri has a right quadriceps injury.
Both players are out and their recovery will determine their availability. pic.twitter.com/9QTXVCw9EN
ავტორიტეტული კატალონიური გამოცემის, Sport-ის ინფორმაციით, დე იონგს 4-5 კვირა გაუცდება და „ნაპოლისთან“ გასამართ შეხვედრას გამოტოვებს. „პარტენოპეისთან“ ვერც პედრი ითამაშებს. მას ტრავმის რეციდივი აქვს და ჯერჯერობით უცნობია, სარეაბილიტაციო პერიოდი რამდენ ხანს გაგრძელდება. Sport-ის ცნობით, მასაც რამდენიმე კვირა გაუცდება.
ცნობისთვის, „ნაპოლისა“ და „ბარსელონას“ პირველი შეხვედრა ფრედ, 1:1 დასრულდა. ამ გუნდების განმეორებითი მატჩი 12 მარტს გაიმართება და თბილისის დროით, 23:59-ზე დაიწყება. დე იონგისა და პედრის ტრავმების შემდეგ, „ბლაუგრანას“ თავკაცის, ჩავი ერნანდესის განკარგულებაში 4 ნახევარმცველია დარჩენილი: ორიოლ რომეუ, ილქაი გიუნდოგანი, ფერმინ ლოპესი და სერხი რობერტო.
