ბუდუმ ცვლილებაზე ითამაშა - კარლსრუემ დამაჯერებლად მოიგო
გერმანიის მეორე ბუნდესლიგაში ბუდუ ზივზივაძის „კარლსრუემ“ „გროიტერ ფიურტს“ უმასპინძლა და 4:0 გაანადგურა.
როგორც ბოლო მატჩებში ხდება, ზივზივაძემ მატჩი ამჯერადაც თადარიგიდან დაიწყო და მოედანზე 75-ე წუთზე გამოჩნდა.
„კარლსრუე“ 42-ე წუთზე იგორ მატანოვიჩმა დააწინაურა, რომელმაც მეორე ტაიმში დუბლის შესრულება შეძლო. შლოისნერმა მატანოვიჩის მსგავსად ასევე დუბლი გაიფორმა და საბოლოო ანგარიში დააფიქსირა.
29 წლის ქართველმა თავდამსხმელმა მიმდინარე სეზონის მეორე ბუნდესლიგაში 23 მატჩში 8 გოლი შეაგდო, ბოლო 11 მატჩში ბუდუს ანგარიშზე 7 გოლი გაიტანა.
„კარლსრუე“ სატურნირო ცხრილში 24 ტურის შემდეგ 35 ქულით მე-8 ადგილს იკავებს. ბუდუს გუნდი პლეი-ოფის ზონაში მყოფ „ჰამბურგს“ 6 ქულით ჩამორჩება. მომდევნო შეხვედრას 9 მარტს სტუმრად „ჰოლშტეინთან“ გამართავენ.