შენგელიამ ტრავმა მიიღო | ვირტუს ბოლონიამ ვალენსიას მოუგო
თორნიკე შენგელიას „ვირტუს ბოლონიამ“ ევროლიგის მიმდინარე სეზონში მე-17 გამარჯვება იზეიმა. ქართველი კალათბურთელის გუნდი საკუთარ კედლებში „ვალენსიას“ დაუპირისპირდა და ესპანურ გუნდს დამაჯერებლად, 87:74 სძლია.
შენგელიამ მატჩი ძირითად შემადგენლობაში დაიწყო, მაგრამ პარკეტის იძულებით დატოვება მოუწია. პირველი მეოთხედის დასრულებამდე 3 წუთითა და 45 წამით ადრე, თოკომ კოჭი გადაიბრუნა და გასახდელს მიაშურა. „ვირტუს ბოლონიამ“ მატჩი მის გარეშე ჩაამთავრა.
La Virtus perde Shengelia per infortunio, ma supera nettamente Valencia tra le mura amiche della Segafredo Arena ????????????????#EurosportBASKET #Basket #VirtusBologna #Valencia #EuroLeaguehttps://t.co/AXR9lbgqPU
— Eurosport IT (@Eurosport_IT) February 29, 2024
„ვირტუს ბოლონიას“ რიგებში საუკეთესო მარკო ბელინელი იყო - 16 ქულა, 2 შედეგიანი გადაცემა. ჯორდან მიკიმ 14 ქულა, 7 მოხსნა და 1 ასისტი მიითვალა. აიზეია კორდინიემ და გაბრიელ ლუნდბერგმა 12 და 11 ქულა დააგროვეს.
ცნობისთვის, „ვირტუს ბოლონიას“ 17 მოგება და 10 წაგება აქვს და სატურნირო ცხრილის მე-4 პოზიციას იკავებს. იტალიელები მომდევნო შეხვედრას 3 მარტს გამართავენ და სტუმრად „სასარის“ დაუპირისპირდებიან.