„შოკირებული ვარ, გადაწყვეტილება უსამართლოა“ - პოგბა დისკვალიფიკაციაზე
დღეს ცნობილი გახდა, რომ მსოფლიოს ანტიდოპინგურმა სააგენტომ საფრანგეთის ნაკრებისა და „იუვენტუსის“ ფეხბურთელი, პოლ პოგბა დოპინგის მოხმარების გამო მკაცრად დასაჯა.
ფეხბურთელი გავრცელებულ ინფორმაციას გამოეხმაურა და გადაწყვეტილებას უსამართლოს უწოდებს:
„მე ამ გადაწყვეტილების შესახებ ინფორმირებული ვარ და განაჩენი სამართლიანად არ მიმაჩნია. სევდიანი, შოკირებული და გულდაწყვეტილი ვარ. დასანანია, რომ ყველაფერი, რაც ჩემს პროფესიონალურ კარიერაში ავაშენე, წამართვეს“.
- ციტირებს პოგბას სიტყვებს ჟურნალისტი საიმონ სტოუნი.
ფაბრიციო რომანოს ინფორმაციით, 30 წლის ფრანგ ნახევარმცველს 4-წლიანი დისკვალიფიკაცია მიუსაჯეს.
შეგახსენებთ, რომ პოლ პოგბას დოპინგის ტესტზე დადებითი პასუხი 2023 წლის აგვისტოში ამოუვიდა, რაც მოგვიანებით განმეორებითმა ტესტმაც დაადასტურა.
