„ამ სიტყვების თვითონაც არ სჯერა“ | მოვსარ ევლოევის რეაქცია ილიას განცხადებაზე
UFC-ის ქვემსუბუქი წონითი დივიზიონის მებრძოლი, მოვსარ ევლოევი ილია თოფურიას განცხადებას გამოეხმაურა. „ელ მატადორის“ სიტყვები, რომ ალექსანდრ ვოლკანოვსკისთან გასამართი საჩემპიონო ჩხუბი მის კარიერაში ერთ-ერთი უმარტივესი იქნება, სოციალურ ქსელში ერთ-ერთმა გვერდმა გამოაქვეყნა და მოვსარმა კომენტარი სწორედ ამ პოსტზე დატოვა.
„ამ სიტყვების თვითონაც არ სჯერა“ , - დაწერა დაუმარცხებელმა რუსმა მებრძოლმა.
even he doesn’t believe these words.
— Movsar Evloev (@MovsarUFC) January 30, 2024
შეგახსენებთ, რომ ევლოევმა თოფურიასა და ვოლკანოვსკის ჩხუბზე რამდენიმე დღის წინაც ისაუბრა და განაცხადა, რომ „ვოლკი“ ფავორიტია, თუმცა, ილიას მოგება უფრო აწყობს. მოვსარს სურს, მომდევნო ბრძოლა ტიტულისთვის გამართოს და სჯერა, რომ თოფურია მისთვის უმარტივესი მეტოქე იქნება.
ცნობისთვის, ევლოევი დაუმარცხებელი მებრძოლია და 18-დან 18 გამარჯვება აქვს. მან ბოლო ბრძოლა არნოლდ ალენის წინააღმდეგ გამართა და მსაჯების გადაწყვეტილებით მოიგო.
