ქუთაისის ტორპედომ ნორვეგიის ნაკრების ფორვარდი დაიმატა

ქუთაისის „ტორპედომ“ გამოცდილი ნორვეგიელი ფორვარდი, ბიორნ იონსენი დაიმატა. ინფორმაციას ქუთაისური კლუბი ავრცელებს. მათივე ცნობით, მხარეებთან კონტრაქტი 1+1 წლიანი სისტემით გაფორმდა.

ბიორნ იონსენს ნიდერლანდების ერედივიზიეში 69 მატჩში 28 გოლი აქვს გატანილი, როდესაც ის „დენ ჰაგის“, „ალკმაარისა“ და ბოლოს 2022-23 წლებში „კამბურის“ ღირსებას იცავდა.

2020 წელს ის „ულსან ჰიუნდაისთან“ ერთად (სამხრეთ კორეა) ქვეყნის ჩემპიონი და თასის მფლობელი გახდა, ასევე მოიგო აზიის ჩემპიონთა ლიგა, სადაც 9 მატჩში 5 გოლი გაიტანა.

„ტორპედოს“ ახალწვეულს ნორვეგიის ეროვნულ ნაკრებში ჩატარებულ 16 მატჩში 5 გოლი აქვს გატანილი.

ბიორნ იონსენი ასევე თამაშობდა ჰართსში (2016-2017), სადაც შოტლანდიური პრემიერლიგის სეზონი 6 გოლით დაასრულა, იყო როსენბორგსსა (2019 წელი) და მონრეალში (2021-22). ბოლოს კი სამხრეთ კორეული „სეულის“ ღირსებას იცავდა და გუნდი თავისუფალი აგენტის სტატუსით დატოვა.