კლერმონის სრული დომინაცია - შავი ლომი ფრანგულ გრანდთან განადგურდა
რაგბიში, ჩელენჯ თასის ჯგუფური ეტაპის დასკვნით ტურში „შავი ლომი’’ „მიხეილ მესხზე'' ფრანგულ გრანდთან, „კლერმონთან’’ განადგურდა - 3:36.
პირველი ტაიმი „კლერმონმა’’ დამაჯერებლად მოიგო, სტუმართა უპირატესობა თვალშისაცემი იყო - 3:17. თამაში მეორე ტაიმშიც იდენტური სცენარით გაგრძელდა, ქართველ მორაგბეებს ვითარების გამოსწორების მინიმალური შესაძლებლობაც არ ჰქონიათ.
???????????????????????????????? pic.twitter.com/NsqS7JOzn1
— ASM Rugby (@ASMOfficiel) January 20, 2024
„შავი ლომის'' მორაგბეებმა ამ შეხვედრაში ლელო ვერ დადეს, თავი მხოლოდ ლუკა მატკავამ გამოიჩინა, რომელმაც პირველ ტაიმში, 35-ე წუთზე ჯარიმა ზუსტად შეასრულა. მატკავას ჯარიმით გაჩენილი მცირე იმედი „კლერმონმა'' ერთ წუთში გააქრო, 36-ე წუთზე სტუმრებმა ლელო დადეს და თამაშის ბოლომდე სრულ უპირატესობას ფლობდნენ.
მესამე ჯგუფში „შავი ლომის'' მორაგბეებმა 4-დან მხოლოდ 1 მატჩი მოიგეს, 6-გუნდიან ჯგუფში მე-5 ადგილზე გავიდნენ და ფლეი-ოფში ვერ გავიდნენ, ტურნირს დაემშვიდობნენ.
„შავი ლომის'' შემადგენლობა „კლერმონთან''
ხაზი: 15. მირიან მოდებაძე, 14. აკაკი ტაბუცაძე, 13. გიორგი კვესელაძე, 12. მერაბ შარიქაძე (კაპ.), 11. სანდრო თოდუა, 10. ლუკა მატკავა, 9. გიორგი მარგალიტაძე
შერკინება: 1. დათო აბდუშელიშვილი, 2. თენგიზ ზამთარაძე, 3. გიორგი ჩხარტიშვილი, 4. დემურ ეფრემიძე, 5. მიხეილ ბაბუნაშვილი, 6. ლუკა ივანიშვილი, 7. სანდრო მამამთავრიშვილი, 8. ილია სპანდერაშვილი
მარქაფა: 16. ირაკლი ქვათაძე, 17. ნიკოლოზ ხატიაშვილი, 18. ბაჩუკი ჭუმბაძე, 19. ნოდარ ჭეიშვილი, 20. გიორგი კერვალიშვილი; 21. ალექსანდრე ჯიღაური, 22. თორნიკე კახოიძე, 23. ლუკა ცირეკიძე.
ფოტო: „შავი ლომის'' პრესსამსახური
