ბარსაც ფინალშია - ესპანეთის სუპერ თასზე ელ კლასიკოს ვიხილავთ
ესპანეთის სუპერ თასის მეორე ნახევარფინალურ შეხვედრაში „ბარსელონამ“ „ოსასუნას“ 2:0 მოუგო.
მატჩი თანაბარ ბრძოლაში მიმდინარეობდა, თუმცა ჩავის გუნდმა მეტოქეს კლასით აჯობა და ფინალში გავიდა.
ანგარიში მეორე ტაიმის სტარტზე გაიხსნა, როცა 59-ე წუთზე გიუნდოგანის პასით ლევანდოვსკიმ ზუსტად დაარტყა და „ბარსა“ წინ გაიყვანა.
შეხვედრაში 100%-იანი საგოლე მომენტები თითქმის არ ყოფილა. ნახევრადმომენტებს კი მეკარეები მარტივად უმკლავდებოდნენ.
93-ე წუთზე კი ჟოაო ფელიქსის დიდებული თამაშის შემდეგ, მატჩს წერტილი ლამინ იამალმა დაუსვა და სუპერ თასის ისტორიაში ყველაზე ახალგაზრდა გოლის ავტორი გახდა.
შეგახსენებთ, რომ პირველ ნახევარფინალურ წყვილში „რეალმა“ „ატლეტიკოს“ 5:3 მოუგო და 14 იანვარს, კვირას (23:00) ფინალში „ელ კლასიკო“ გველის.