მორიგი აღიარება | შენგელია ტურის ოცნების გუნდში
„ვირტუს ბოლონიას“ ქართველმა კალათბურთელმა, თორნიკე შენგელიამ კიდევ ერთი აღიარება მოიპოვა. საქართველოს ნაკრების კაპიტანი იტალიის ჩემპიონატის, Lega A-ს მე-14 ტურის ოცნების გუნდში მოხვდა.
შენგელია „პეზაროსთან“ ნაჩვენები ბრწყინვალე თამაშის გამო გამოარჩიეს. მის გარდა, ტურის სიმბოლურ ნაკრებში ნიკოლო მანიონი, ოლივიე ჰანლანი, აკილე პოლონარა და ამედეო ტესიტორი მოხვდნენ.
Il ???? DREAM TEAM UMANA ???? della 14^ giornata, scelto da voi tramite votazione sull'app di LBA!
— Lega Basket Serie A (@LegaBasketA) January 2, 2024
Mannion - Hanlan - Polonara - Shengelia - Tessitori ????#TuttoUnAltroSport pic.twitter.com/4fqkApSNb2
ცნობისთვის, „ვირტუს ბოლონიამ“ „პეზაროს“ 83:66 მოუგო და შენგელიამ საკუთარი გუნდის წარმატებაში უდიდესი წვლილი შეიტანა. თორნიკე ორივე გუნდის რიგებში საუკეთესო იყო და მატჩი 22 ქულით, 5 მოხსნითა და 4 შედეგიანი გადაცემით დაასრულა.
გეტყვით იმასაც, რომ „ვირტუს ბოლონიას“ 10 მოგება და 4 წაგება აქვს და იტალიის ჩემპიონატის სატურნირო ცხრილის მე-3 პოზიციას იკავებს. ბოლონიურ კლუბს მომდევნო შეხვედრა ევროლიგაზე ელის და დღეს „ბაიერნს“ დაუპირისპირდება.