კვარა მორიგი რეკორდის თანაავტორია - სერია A-ში ეს მხოლოდ სამმა შეძლო
სერია A-ს მე-16 ტურში გატანილი გოლის შემდეგ, ხვიჩა კვარაცხელიამ მორიგი ისტორიული შედეგი დააფიქსირა და კიდევ ერთი რეკორდის თანამონაწილე გახდა.
ცნობილი საფეხბურთო სტატისტიკური და ანალიტიკური გვერდი Opta წერს, რომ კვარაცხელიამ სერია A-ში ჩატარებულ 49 შეხვედრაში მონაწილეობა 30 გოლში მიიღო, რაც ისტორიაში მე-3 შედეგია.
ხსენებულ სტატისტიკას 2004-2005 წლებიდან ითვლიან. კვარას ანგარიშზე ამჟამად 17 გოლი და 13 საგოლე გადაცემაა. იგულისხმება პირველი 50 მატჩი და კვარა ამ მაჩვენებლით ყველაზე ახალგაზრდა მესამე მოთამაშე გახდა.
30 - Khvicha Kvaratskhelia has been involved in 30 goals (17 goals, 13 assists) in 49 Serie A games; since 2004/05 only Berardi (31 in his first 42) and Pato (30/45) had a hand in 30+ goals as younger than him before reaching the first 50 league matches. Sprint.#NapoliCagliari pic.twitter.com/fPGgqBRLQa
— OptaPaolo (@OptaPaolo) December 16, 2023
ხვიჩამდე ამ მხრივ ისტორიაში დომენიკო ბერარდი და ალეშანდრე პატო შევიდნენ. ბერარდიმ „სასუოლოში“ ჩატარებულ საწყის 42 მატჩში მონაწილეობა 31 გოლში მიიღო. პატომ კი 45 შეხვედრაში 30 გოლში შეიტანა წვლილი.
შეგახსენებთ, რომ მიმდინარე სეზონში კვარაცხელიას ანგარიშზე 5 გოლი და 3 საგოლე გადაცემაა.
კვარაცხელია VS კალიარი - ყველა მომენტი