უარი ინტერს - ჩელსის ლუკაკუს გაყიდვა ალ ჰილალში სურს
ბრიტანული ავტორიტეტული გამოცემა The Guardian იუწყება, რომ ლონდონის „ჩელსიმ“ „ინტერის“ წინადადება ლუკაკუსთან დაკავშირებით დაბლოკა. „არისტოკრატები“ ბელგიელი თავდამსხმელის „ნერაძურიში“ დატოვებას არ აპირებენ.
ამ ინფორმაციას, ბრიტანელი სპორტული ჟურნალისტი ბენ ჯეიკობსიც ადასტურებს და გვამცნობს, რომ ლუკაკუს გადაბირებისთვის „ალ ჰილალი“ და „იუვენტუსი“ იბრძვიან.
ლონდონელთა პრიორიტეტი რომელუს საუდის არაბეთში გაყიდვაა, რადგან არაბები 45 მილიონ ევროს იხდიან, ხოლო ტურინელები გაცილებით ნაკლებს.
Chelsea considering bids for Romelu Lukaku in the €45m range. Al-Hilal and Juventus in the race. Inter’s bid rejected out of hand.
— Ben Jacobs (@JacobsBen) July 8, 2023
Lukaku is seriously considering Saudi.???????? pic.twitter.com/yCnCs99WU9
თავად ფეხბურთელს „ინტერში“ სურს დარჩენა. თავდაპირველად მილანური გუნდი ამის წინააღმდეგი იყო, მაგრამ საბოლოოდ ხელმძღვანელობამ ლუკაკუს „ინტერში“ დარჩენაზე თანხმობა განუცხადა, მაგრამ ახლა, როგორც უკვე მოგახსენეთ „ჩელსი“ იტალიელებს იჯარას აღარ გაუგრძელებს და თავად წარმართავს ბელგიელის ბედს.
