ოფიციალურად | კალიდუ კულიბალი კარიერას ალ-ჰილალში გააგრძელებს
ლონდონის „ჩელსის“ მცველი, კალიდუ კულიბალი კარიერას საუდის არაბეთის კლუბ ალ-ჰილალში გააგრძელებს. ამის შესახებ ინფორმაცია ლონდონური კლუბის ოფიციალურმა ვებ-გვერდმა დაადასტურა.
თავის მხრივ, ოფიციალური განცხადება გაავრცელა „ალ-ჰილალმა“ და სენეგალელი ფეხბურთელი კლუბში ოფიციალურად წარადგინა.
???? “Welcome to Riyadh” @kkoulibaly26 ????????#Koulibaly_Hilaly
— AlHilal Saudi Club (@Alhilal_EN) June 25, 2023
pic.twitter.com/WIJL5BVQXV
გავრცელებული ინფორმაციით, კულიბალიმ არაბულ გუნდთან 3-წლიანი კონტრაქტი გააფორმა და ხელფასის სახით სეზონში 30 მილიონ ევროს მიიღებს.
შეგახსენებთ, რომ კალიდუ კულიბალი „ჩელსიში“ გასული სეზონის დასაწყისში გადავიდა და ყველა ტურნირზე ლონდონური კლუბის მაისურით 32 თამაში ჩაატარა, სადაც 2 გოლის გატანა მოახერხა. მანამდე, სენეგალელი ფეხბურთელი ნეაპოლიტანური გუნდის ღირსებას 2014-დან 2022 წლის ჩათვლით იცავდა. აქვე გეტყვით, რომ რამდენიმე დღის წინ „ალ-ჰილალმა“ პრემიერ ლიგიდან კიდევ ერთი ფეხბურთელის, რუბენ ნევეშის ტრანსფერი დაადასტურა.