გუნდში მხოლოდ 1 მეგობარი ჰყავს - ბაიერნმა მანეს გაყიდვა გადაწყვიტა

„ბაიერნი“ მზადაა სადიო მანე გაყიდოს, რადგან მას გუნდელებთან ურთიერთობა არ აქვს და კლუბის ოჯახის წევრად დღემდე ვერ იქცა.

Bild-ის ცნობით, „ბაიერნის“ ფეხბურთელები მანეს ქცევით უკმაყოფილოები მას შემდეგ არიან, რაც მან ლეროი სანეს სახეში დაარტყა. „მანჩესტერ სიტისთან“ (0-3) წაგების შემდეგ გასახდელში მომხდარმა ინციდენტმა ფეხბურთელები შოკში ჩააგდო, რადგან მანემ სანეს განსაკუთრებული მიზეზის გარეშე დაარტყა.

გარდა ამისა, „ბაიერნის“ ფეხბურთელებს სადიოს საფეხბურთო ნაკლოვანებები უკვირთ - მაგალითად, ტექნიკის ნაკლებობა. სკაუტებმა ეს შეამჩნიეს, როდესაც ტრანსფერამდე მანეს თამაშს უყურებდნენ, მაგრამ მათ სადიოს გოლების გატანის შესაძლებლობის გათვალისწინებით მათ ამ გარემოებას ყურადღება არ მიაქციეს.

„ბაიერნის“ ფეხბურთელებს შორის მანე მხოლოდ ბუნა სართან ურთიერთობს, რომელთანაც ერთად სენეგალის ნაკრებში თამაშობს.

მიუნხენელები მანეს ტრანსფერზე აყენებენ და ფეხბურთელისთვის მყიდველს ეძებს, რომელიც გასულ ზაფხულს „ლივერპულიდან“ 32+9 მილიონ ევროდ შეიძინეს.

მანემ მიმდინარე სეზონში „ბაიერნის“ შემადგენლობაში 35 მატჩში 12 გოლი გაიტანა.