ჩეფერინი: სანამ ეს სიგიჟე გაგრძელდება, რუსები ევროტურნირებს მიღმა დარჩებიან

უეფას პრეზიდენტი ალექსანდრ ჩეფერინი ამბობს, რომ რუსული კლუბების ევროტურნირებს მიღმა ყოფნა გაგრძელდება. სიტუაცია იქამდე ვერ შეიცვლება, სანამ პოლიტიკური ვითარება კვლავ დაძაბული რჩება.

„ჩემი პირადი აზრია, რომ სანამ კონფლიქტი (რუსეთ-უკრაინის ომი) არ დასრულდება, ჩვენთვის რაიმეს შეცვლა რთული იქნება.

რუსი სპორტსმენების გამო გული მწყდება, რომლებიც დამნაშავენი არაფერში არიან და ჩვენს ტურნირებში ნორმალურად მონაწილეობას ვერ იღებენ. მაგრამ სანამ ეს კონფლიქტი გაგრძელდება, სანამ ეს სიგიჟე გრძელდება, ზეწოლა უნდა არსებობდეს“.

- ციტირებს ჩეფერინის სიტყვებს The Times-ი.

შეგახსენებთ, რომ ოთხშაბათს, 5 აპრილს, 55 წლის სლოვენიელი ალექსანდრ ჩეფერინი უეფას პრეზიდენტად ხელახლა 2027 წლამდე აირჩიეს.