რამოსის წერილი: მოდრიჩს, მესის და პეპეს აღტაცებით და შურით ვუყურებ
სერხიო რამოსმა სანაკრებო კარიერის დასრულების შესახებ ინფორმაცია რამდენიმე საათის წინ გაავრცელა. მოგვიანებით კი მისი ვრცელი წერილი გავრცელდა, რომელშიც ის თავის გადაწყვეტილებაზე საუბრობს.
„იყო ახალგაზრდა ან არც ისე ახალგაზრდა არ არის სათნოება ან მინუსი, ეს მხოლოდ დროებითი მახასიათებელია, რომელიც ყოველთვის არ არის დაკავშირებული თამაშის დონესთან ან შესაძლებლობებთან.
აღტაცებით და შურით ვუყურებ მოდრიჩს, მესის, პეპეს. ისინი ასახავენ ფეხბურთში ტრადიციის, ღირებულებების, დამსახურების და სამართლიანობის არსს. სამწუხაროდ, ჩემს შემთხვევაში ასე არ მოხდება, ფეხბურთი ყოველთვის არ არის სამართლიანი და არასოდეს შემოიფარგლება მხოლოდ ფეხბურთით.
მე ვიღებ ამ ყველაფერს მწუხარებით, რომელიც მინდა გაგიზიაროთ, მაგრამ ასევე მადლიერი ვარ მთელი ამ წლების განმავლობაში, თქვენი მხარდაჭერისთვის. ჩემთან წარუშლელი მოგონებები რჩება, ისევე როგორც ყველა თასი, რისთვისაც ვიბრძოდით და ერთად ვიზეიმეთ. ასევე წარმოუდგენელი სიამაყე, რომ გავხდი მოთამაშე, რომელსაც ესპანეთის ნაკრებში ყველაზე მეტი მატჩი აქვს ჩატარებული. ამ ემბლემამ, ამ მაისურმა, ამ გულშემატკივრებმა ბედნიერი ადამიანი გამხადეს.
მე გავაგრძელებ ჩემი ქვეყნის გულშემატკივრობას სახლიდან და თავს პრივილეგირებულად ვგრძნობ, ნაკრების 180 მატჩის გამართვის შემდეგ.
ყველას გულით მადლობას ვუხდი, ვისაც ჩემი ყოველთვის სჯეროდა!“
- წერს რამოსი.
შეგახსენებთ, რომ რამოსმა სანაკრებო კარიერის დასრულება „ფურია როხას" ამჟამინდელ მთავარ მწვრთნელს დე ლა ფუენტეს გადაწყვეტილებას დაუკავშირა. მან სერხიოს პირდაპირ უთხრა, რომ სამომავლო გეგმებში ის არ შედიოდა.
