წილისყრა: ესპანეთის თასზე ელ კლასიკო გაიმართება
ესპანეთის სამეფო თასის ნახევარფინალური ეტაპის წილისყრა გაიმართა. მადრიდის „რეალი“ კატალონიის „ბარსელონას“ შეხვდება, „ოსასუნას“ მეტოქე კი „ბილბაო“ იქნება. ასე რომ, ფეხბურთის მაყურებელი „ელ კლასიკოს“ იხილავს, რომლის მიმართ მთელ მსოფლიოში დიდი ინტერესია.
????Copa del Rey Semi-Final draw
— Football España (@footballespana_) January 30, 2023
Osasuna v Athletic Club
Real Madrid v Barcelona
There will be 5 El Clasicos this season!#LaCopaMola #CopaDelRey
პირველი შეხვედრები პირველ მარტს გაიმართება, საპასუხო მატჩები კი - 5 აპრილს.
პირველ შეხვედრაში „რეალი“ კატალონიურ გრანდს მიიღებს, საპასუხო დაპირისპირება „კამპ ნოუზე“ შედგება. რაც შეეხება მეორე დაპირისპირებას, პირველი მატჩი „ოსასუნას“ კედლებში გაიმართება.
საინტერესოა, რომ ამ სეზონში ქომაგი საერთო ჯამში ხუთ „ელ კლასიკოს“ იხილავს. გუნდებმა ესპანეთის სუპერთასზე ითამაშეს, რასაც ლა ლიგისა და ესპანეთის სამეფო თასის 2-2 შეხვედრა ემატება.
