უტკინი: „მესის ღმერთმა აკოცა, რონალდუ კი იდეალური მისაბაძი მაგალითია“
რუსმა კომენტატორმა, ვასილი უტკინმა ლიონელ მესიზე და კრიშტიანუ რონალდუზე ისაუბრა. უტკინმა თანამედროვე ფეხბურთის სუპერვარსკვლავები დაახასიათა და განაცხადა, რომ „ლა პულგას“ ღმერთმა აკოცა, კრიშტიანუ კი იდეალური მისაბაძი მაგალითია.
„საუბარი იმაზე თუ ვინაა მესისა და რონალდუს შორის საუკეთესო, დასრულებულია. არ ვიცი, ვის სასარგებლოდ და ალბათ, ესაა დებატები, რომელიც სამუდამოდ გაგრძელდება. მსოფლიო ჩემპიონატის შემდეგ, კილიან მბაპეზე ბევრი რამ ითქვა და თვალში მოგხვდა მისი ბავშვობის ფოტოსურათები, რომლებზეც რონალდუს პოსტერებს ვხედავთ.
იგივეა მუდრიკის შემთხვევაში. მას საყვარელი ფეხბურთელის შესახებ ჰკითხეს და მიხაილომ კრიშტიანუ რონალდუ გამოარჩია. რეალურად, ლიონელ მესის თავის კუმირად არავინ ასახელებს, რადგან ლეო ძალიან მაგარია იმისთვის, რომ შთაგონების წყარო იყოს. მესის მხარდამხარ თამაში და სიამოვნების მიღება ძალიან ბევრს უნდა, მაგრამ მისაბაძი მაგალითის რანგში, იგი შემდგარი არაა, რადგან არის ადამიანი, რომელსაც ღმერთმა აკოცა, რონალდუმ კი საკუთარი კარიერა, ბრენდი და რაც მთავარია, ორგანიზმი თავად შექმნა და განავითარა. იგი ნამდვილი მოტივაციაა და კუმირსა და მისაბაძ მაგალითს უფრო ჰგავს, ვიდრე ლეო. რონალდუ იდეალური მისაბაძი მაგალითია“.
შეგახსენებთ, რომ დღეს, თბილისის დროით, 21:00-ზე, „ალ-ჰილალისა“ და „ალ-ნასრის“ საუკეთესო ფეხბურთელებისგან დაკომპლექტებული გუნდი „პარი სენ-ჟერმენს“ დაუპირისპირდება და დიდი შანსია, რონალდუსა და მესის პაექრობა ბოლოჯერ ვიხილოთ.
