ნაპოლი, ხვიჩა კვარაცხელია, ლუჩანო სპალეტი
Aa
Aa

სპალეტი: "კვარაცხელია ლიდერია და ეს უფრო მეტად უნდა წარმოაჩინოს“

მსოფლიო ჩემპიონატის პარალელურად კლუბები ამხანაგურ მატჩებს მართავენ. გამონაკლისი არც „ნაპოლია“, რომელიც საკუთარ კედლებში „ვილიარეალს“ დაუპირისპირდა და 2:3 დამარცხდა. „პარტენოპეის“ მხრიდან მეორე გოლი კვარაცხელიამ გაიტანა.

მატჩის დასრულების შემდეგ, იტალიური კლუბის მთავარმა მწვრთნელმა ლუჩიანო სპალეტიმ ჟურნალისტებთან ისაუბრა და ხვიჩაზე კომენტარი გააკეთა.

სპალეტი:

„კვარაცხელია? თამაში სუსტად დაიწყო, მაგრამ დროის გასვლასთან ერთად ლიდერი გახდა და ჩვენ ეს გვჭირდება. ის საუკეთესო ფორმას მაქსიმალურად სწრაფად უნდა დაუბრუნდეს, რადგან ხვიჩა არის ფეხბურთელი, რომელიც თავისი ხარისხით სხვა გუნდებთან განსხვავებას ქმნის.

სწორედ ამ მიზეზით დავტოვე მოედანზე მეორე ტაიმში. პირველ ტაიმზე ბევრად უკეთ ითამაშა. ხანდახან, როცა მას ბურთი არ აქვს გუნდურ თამაშში უნდა მიიღოს მონაწილეობა. კვარაცხელია ლიდერია და მან ეს უფრო მეტად უნდა წარმოაჩინოს“

შეგახსენებთ, რომ ხვიჩა კვარაცხელიას არასახარბიელო ფორმაში ყოფნის მიზეზი მიღებული ტრავმაა. ქართველმა ვარსკვლავმა წელის დაზიანება ჩემპიონთა ლიგის ბოლო ტურში „ლივერპულის“ წინააღმდეგ მიიღო. მას შემდეგ კი სერია ა-ში რამდენიმე მატჩი გამოტოვა. 21 წლის შემტევი მოედანს ამხანაგურ მატჩში „ანტალიასპორის“ წინააღმდეგ დაუბრუნდა.

მსგავსი სიახლეები

ასევე დაგაინტერესებთ
რეინკარნაცია - როგორ გადაიქცა გრიზმანი ზიდანის და პლატინის ნაზავად
რეინკარნაცია - როგორ გადაიქცა გრიზმანი ზიდანის და პლატინის ნაზავად