„გარემარბების ახალ კატეგორიას წარმოადგენს“ - Sun-მა ხვიჩაზე დაწერა

ავტორიტეტული ბრიტანული გამოცემა, Sun-ი The Times-ის მიერ გავრცელებულ ინფორმაციას გამოეხმაურა, რომლის მიხედვითაც, „ნიუკასლი“ ხვიჩა კვარაცხელიათი ინტერესდება. Sun-მა ქართველი ფეხბურთელი შეაქო და იგი კოდი გაკპოს შეადარა.

„ნიუკასლს სერიოზული კონკურენციის დაძლევა მოუწევს, რადგან კვარაცხელიას რეალი და პარი სენ-ჟერმენი აკვირდებიან. Times-ის მიხედვით, ნიუკასლმა ქართველი ფეხბურთელის დასაკვირვებლად სკაუტები უკვე გაგზავნა და მისი ღირებულება 50 მილიონი გირვანქა სტერლინგის რეგიონში იქნება.

კვარაცხელია გარემარბების ახალ კატეგორიას წარმოადგენს, რომლებიც ბრწყინვალე ტექნიკითა და ფიზიკური მონაცემებით გამოირჩევიან. ამ კატეგორიის გარემარბების მეორე მაგალითი მანჩესტერ იუნაიტედის სამიზნე, კოდი გაკპოა. კვარაცხელია მაღალია, სწრაფია და ფეხით მუშაობის მხრივ, ლეგენდარული არგენტინელისგან ძალიან არ განსხვავდება. მის მიერ სახიფათო ზონების ათვისების უნარი ლივერპულმა საკუთარ თავზე მტკივნეულად გამოსცადა და იურგენ კლოპის გუნდი 1:4 განადგურდა“, - წერს Sun-ი.

შეგახსენებთ, რომ ხვიჩა კვარაცხელიამ სერია A-ს მიმდინარე სეზონში 12 მატჩში 6 გოლი შეაგდო და 5 საგოლე პასი შეასრულა. ასევე, ჩემპიონთა ლიგის 5 მატჩში 2 გოლითა და 3 საგოლე პასით გამოიჩინა თავი.