Telegraph: „პსჟ მზადაა მბაპე გაყიდოს“

პსჟ მზადაა კილიან მბაპეს 300-350 ევროს სანაცვლოდ გაყიდოს. Telegraph-ის ინფორმაციით, ოქტომბერში მბაპემ კლუბის ხელმძღვანელებს უთხრა, რომ იანვარში კლუბის დატოვება სურდა. აღნიშნული წყაროს ცნობით, კლუბში ფიქრობენ, რომ მბაპე პსჟ-ში ბოლო სეზონს ატარებს. თუ პარიზული კლუბი საინტერესო წინადადებას მიიღებს, მბაპეს გაყიდვისთვის მზადაა.

გასული სეზონის შემდეგ კილიან მბაპეს პსჟ-სთან კონტრაქტი ამოეწურა, მას „რეალი“ უფრო სარფიან კონტრაქტს სთავაზობდა, თუმცა მბაპემ პარიზში დარჩენა გადაწყვიტა და პსჟ-სთან კონტრაქტი 2025 წლამდე გაახანგრძლივა. Telegraph-ის ინფორმაციით, მბაპე პსჟ-სთან კონტრაქტის გაფორმებას ნანობს.

23 წლის კილიან მბაპე 2017 წლიდან პსჟ-ში თამაშობს. ლიგა 1-ის მიმდინარე სეზონში მბაპემ 14 შეხვედრაში 12 გოლი შეაგდო, 2 საგოლე გადაცემა შეასრულა, ჩემპიონთა ლიგის 6 შეხვედრაში კი 7 გოლითა და 3 საგოლე პასით გამოიჩინა თავი.

კილიან მბაპეს კლუბთან კონტრაქტი 2025 წლის ივნისამდე აკავშირებს.