ზიდანის შედეგი გაიმეორეს - მბაპეს და გრიზმანის მიღწევა
მსოფლიო ჩემპიონატის ჯგუფური ეტაპის მეორე ტურში საფრანგეთმა დანია 2:0 დაამარცხა, ჯგუფიდან ოფიციალურად გავიდა და არასასიამოვნო ტრადიცია დაარღვია.
აღნიშნულ დაპირისპირებაში დუბლი შეასრულა კილიან მბაპემ, ხოლო „პარი სენ ჟერმენის“ შემტევს მეორე გოლის დროს საგოლე გადაცემა ანტუან გრიზმანმა გაუკეთა. ამით კი საკმაოდ საინტერესო ფაქტები დაფიქსირდა.
პირველ რიგში, კილიან მბაპემ საფრანგეთის ეროვნულ ნაკრებში 31 გოლი დააგროვა, რაც ზიდანის შედეგის გამეორებას ნიშნავს. ლეგენდარულ ფრანგს „მამლებში“ ამავე რაოდენობის გოლები აქვს გატანილი.
???????? 31 goals for France, equalling Zidane
— UEFA Champions League (@ChampionsLeague) November 26, 2022
⚽️ 7 World Cup goals at just 23
Mbappé is generational.#UCL pic.twitter.com/X4KC4lcami
რაც შეეხება გრიზმანს, „ატლეტიკოს“ შემტევმა ეროვნულ ნაკრებში 26-ე საგოლე გადაცემა შეასრულა, რაც ასევე ზიდანის შედეგის გამეორებაა. მადრიდის „რეალის“ ყოფილმა დამრიგებელმა „მამლებში“ თავისი კარიერის განმავლობაში თანაგუნდელებს 26-ჯერ გაატანინა.
ამასთან დაკავშირებით, ანტუანმა კომენტარი გააკეთა.
„ამ ფაქტით ძალიან ვამაყობ, მაგრამ ეს მთლიანად გუნდის დამსახურებაა და არა პირადად ჩემი. სტატისტიკა არ ტყუის, მაგრამ აბსოლუტურად ყველა ფეხბურთელმა დიდებულად იმუშავა დღეს. ჩემი შედეგიც მათი დამსახურებაა. მთავარი კი გამარჯვება და ჯგუფიდან გასვლა იყო.
