ტურის სიმბოლურში - “კიტეს“ კარგი თამაში დაუფასდა
ავსტრიის ბუნდესლიგის მე-15 ტურში „შტურმი“ „ალტახს“ ესტუმრა და ქულები დაკარგა. აღნიშნული დაპირისპირება ფრედ 1:1 დასრულდა. ძირითად შემადგენლობაში მოგვევლინა ოთარ კიტეიშვილი, რომელმაც გოლი გაიტანა.
ქართველმა ფეხბურთელმა ანგარიში მე-11 წუთზე გახსნა და მთელი მატჩის განმავლობაში აქტიური იყო. მთავარმა მწვრთნელმა ქართველი ფეხბურთელი მოედნიდან 71-ე წუთზე გაიყვანა.
ყველა ტურის დასრულების შემდეგ, SkySport Austria სიმბოლურ გუნდს აკეთებს. გამონაკლისი არც ახლანდელი შემთხვევაა. საინტერესო ის გახლავთ, რომ ავტორიტეტულმა გამოცემამ ტოპ 11-ში ოთარ კიტეიშვილი შეიყვანა.
View this post on Instagram
ცნობისთვის, მიმდინარე სეზონში „კიტე“ დიდი ხნის განმავლობაში ტრავმას ებრძოდა და ამის გამო საკმაოდ ცოტა მატჩში მიიღო მონაწილეობა. ოთარმა „შტურმის“ მაისური ყველა ტურნირზე ერთად 13-ჯერ მოირგო, 4 გოლი გაიტანა და 1 საგოლე გადაცემა შეასრულა.
