ჰერტას ფეხბურთელს სიმსივნე დაუდგინდა - მას ოპერაციას ჩაუტარებენ
ბერლინის „ჰერტას“ ფეხბურთელს, ჟან-პოლ ბოეტიუსს სიმსივნე დაუდგინდა. გერმანულმა კლუბმა რამდენიმე წუთის წინ ოფიციალური განცხადება გაავრცელა და აღნიშნა, რომ 28 წლის ფეხბურთელს ქირურგიული ჩარევა დასჭირდება.
„ჟან-პოლ ბოეტიუსს პაუზის აღება მოუწევს. ოთხშაბათს, მას უროლოგიური შემოწმება ჩაუტარდა და სათესლე ჯირკვლის სიმსივნე დაუდგინდა, რომელიც ოპერაციის შედეგად უნდა იქნას ამოკვეთილი. როგორც კი სიახლე იქნება, აუცილებლად შეგატყობინებთ“, - ნათქვამია „ჰერტას“ განცხადებაში.
Jean-Paul #Boëtius muss vorerst pausieren. Bei einer urologischen Untersuchung am Mittwoch wurde ein Tumor im Hoden diagnostiziert, der operativ entfernt werden muss. Sobald es neue Erkenntnisse gibt, werden wir euch informieren. Wir sind in Gedanken bei dir, Djanga! ????#HaHoHe pic.twitter.com/s680youkpv
— Hertha BSC (@HerthaBSC) September 22, 2022
ბოეტიუსი 28 წლის ფეხბურთელია, რომელიც „ჰერტამდე“ „მაინცის“, „გენკისა“ და „ფეიენოორდის“ ღირსებას იცავდა. მას ნიდერლანდების ახალგაზრდულ ნაკრებებში უთამაშია და „ჰერტას“ 2022 წელს შეუერთდა. ცნობისთვის, სათესლე ჯირკვლის სიმსივნე რამდენიმე კვირის წინ „დორტმუნდის“ ფეხბურთელს, სებასტიან ალეს დაუდგინდა.
