გადაწყვეტილია - იკარდი გალათასარაიში ითამაშებს
სატრანსფერო ფანჯარა თურქეთში ჯერჯერობით არ დასრულებულა და ამით პირველ რიგში „გალათასარაიმ“ ისარგებლა. ზაფხულში აქტიურად იწერებოდა, რომ იკარდი „პარი სენ ჟერმენს“ დატოვებდა.
გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო, „ტვიტერის“ საკუთარ გვერდზე ახალ ინფორმაციას ავრცელებს.
ვიგებთ, რომ არგენტინელ თავდამსხმელსა და „გალათასარაის“ შორის შეთანხმება შედგა. იჯარის წესით, იკარდი თურქულ კლუბში ითამაშებს. რომანოს თქმით, მაურო და მისი აგენტი ვანდა ნარა თურქეთში დღეს გაფრინდებიან.
როგორც ცნობილი გახდა, 29 წლის თავდამსხმელი „გალას“ შეთავაზებას რამდენიმე დღის წინ დათანხმდა. ხელფასის ძირითად ნაწილს კვლავ „პარი სენ ჟერმენი“ გადაიხდის. ჯერჯერობით უცნობია, შეძლებს თუ არა თურქული კლუბი მის გამოსყიდვას.
Mauro Icardi to Galatasaray, here we go and confirmed! Icardi will fly to Istanbul together with his agents later today — loan deal now signed with PSG. ???????????????? #Galatasaray
— Fabrizio Romano (@FabrizioRomano) September 7, 2022
PSG will pay main part of the salary, Icardi accepted days ago and it’s now completed. pic.twitter.com/J2cY2SvtO6
იკარდი პსჟ-ში
არგენტინელი შემტევი საფრანგეთის დედაქალაქში 2020 წელს გადაბარგდა და სამწუხაროდ ძირითად შემადგენლობაში ადგილი ვერაფრით დაიმკვიდრა. 2020 წლიდან დღემდე, იკარდიმ „პარი სენ ჟერმენის“ მაისური ყველა ტურნირზე ერთად 92-ჯერ მოირგო, 38 გოლი გაიტანა და 10 საგოლე გადაცემა შეასრულა.
