მატიას პოგბა: პოლს უნდა, რომ ან მოვკვდე ან ციხეში ჩავჯდე
პოლ პოგბას ძმამ მატიასმა განაცხადა, რომ მას „იუვენტუსის“ ნახევარმცველის გამო სასიკვდილო საფრთხე ემუქრება.
მატიასი სოციალურ ქსელში მიმართვას ავრცელებს:
„მე შევამჩნიე, რომ ბევრმა ადამიანმა და მედიამ პოლის სიტყვები უკვე სიმართლედ მიიჩნია, მათი გადამოწმების მცდელობის გარეშე, რადგან ეს ვარსკვლავმა თქვა. და ნებისმიერი სხვა ადამიანი, ვისაც ასეთი კარიერა არ აქვს, უნდა გაჩუმდეს.
სიბრმავეს ვერაფერს ვუხერხებ. ამიტომ მივმართავ მათ, ვისაც ნამდვილად სურს სიტუაციის გაგება. და შეგახსენებთ: თავიდან ვთქვი, რომ ფაქტებს გამოვაქვეყნებდი, მაგრამ ჯერ არაფერი მითქვამს და პანიკაში ჩავარდნილმა პატარა პოლმა, რომელსაც ცუდი რჩევა მისცეს, უკვე გამომიგზავნა თავისი ჯარისკაცები შავ ფორმებში. სწორედ მან დაიწყო ლაპარაკი საკუთარ თავზე - ისე, როგორც მას სურდა - და მე მხოლოდ ვუპასუხე.
პოლის, მისი ადვოკატების და თაყვანისმცემლების ყველა კომენტარი მხოლოდ ჩემი სახელის ტალახში ამოსვრას ისახავს მიზნად, რადგან თქვენ შეგიძლიათ წარმოიდგინოთ ყველაფერი ისე, თითქოს უფროსი ძმა უბრალოდ ეჭვიანობს, ის ფულს არის დახარბებული და მზადაა ყველაფრისთვის, რომ პოლის დისკრედიტაციას მიაღწიოს. ჩემი სახელით შექმნილი ყველა ყალბი ექაუნთი ხომ სწორედ ამისთვის არის გამოყენებული?
მე ხმის ამოღება მომიწია, რადგან საკუთარ სიცოცხლეს ან თავისუფლებას ვრისკავ, ჩემი უმცროსი ძმის გამო, რომელსაც უნდა ან მოვკვდე ან ციხეში წავიდე.
ჩემი უმცროსი ძმა ხომ არ მღალატობდა? თუ ეს ნაკლებად სერიოზულია, რადგან ის მსოფლიო დონის ვარსკვლავია, მე კი ჩვეულებრივი ადამიანი და ჩემნაირი ადამიანები უნდა დათანხმდნენ ჩუმად სიკვდილს ყალბი გენიოსის დიდებისთვის? რა თქმა უნდა, ვიღაც ამაზე დათანხმდება, მაგრამ არა მე, ბოდიში! შენ თვითონ გააკეთე თუ გინდა. რომც არ გჯეროდეთ, მე ვიბრძვი ჩემი სიცოცხლისთვის, ჩემი ოჯახის წევრების სიცოცხლისთვის და ვცდილობ ჩემი ძმის მოწყობილ ხაფანგს თავი დავაღწიო.
სამყარო ყველაფერს თავისი გარეგნობით განსჯის. ყველას ჰგონია, რომ ჩვენს სახლში ყველაფერი კარგადაა, მაგრამ რეალობა ისაა, რომ მთელ ოჯახს ტკივილი და საფრთხე ემუქრება. და ეს ყველაფერი ჩემი ძმის გამო, რომელმაც ფულისა და დიდების გამო დიდი ხანია დაკარგა კავშირი რეალობასთან“,
- დაწერა მატიას პოგბამ ტვიტერზე.
Salut à tous,
— Mathias Pogba (@LeMathiasPogba) August 30, 2022
Voici une déclaration et des clarifications sur "l'affaire Pogba",
Retrouvez la vidéo complète sur Instagram/mathiaspogbaofficial.
Le texte de la vidéo de trouve dans les tweets suivants. pic.twitter.com/a20TYSXRHy
