მარცხი 152-ე ჩოგანთან - ბასილაშვილი მონპელიეს ტურნირს დაემშვიდობა

ნიკოლოზ ბასილაშვილი ATP-ის 250-იანი სერიის მონპელიეს ტურნირზე მერვედფინალში 152-ე ჩოგანს  ბოსნია-ჰერცეგოვინის წარმომადგენელს დამირ ძუმჰურს დაუპირისპირდა და 3 სეტში 1:6, 7:5, 2:6 დამარცხდა.

ნიკამ პირველი სეტი 1:6 დათმო. ბევრ შეცდომას უშვებდა, ერთ-ერთ გეიმში 4 ორმაგი შეცდომაც კი დაუშვა. საბოლოოდ ლოგიკურად დამარცხდა.

მეორე სეტში ნიკამ თამაშის გამოსწორება შეძლო, საკუთარ ჩაწოდებაზე შეცდომებს უკლო და 7:5-იც მოიგო.

დასკვნით მესამე სეტში ბოსნიელმა კვლავ უკეთ ითამაშა და საუკეთესო ფორმისგან ძალიან შორს მყოფ ბასილაშვილს 6:2 მოუგო.

მეოთხედფინალში მისი მეტოქე სერბ ფილიპ კრაინოვიჩსა და ფრანგ ვილფრედ ცონგას შორის გამარჯვებული იქნება.

მონპელიეს ტურნირზე პირველ ნომრად ალექსანდერ ზვერევია განთესილი, მე-2 ნომრად ესპანელი რობერტო ბაუტისტა აგუტია, მესამე ნომრად კი გაელ მონფილსი.

ტურნირის საპრიზო ფონდი საპრიზო ფონდი 490 990 ევროს შეადგენს.