"სულელი ხარ?!" - მედვედევი მსაჯს ეჩხუბა, ციციპასი დაამარცხა და ფინალშია
ავსტრალიის ღია პირველობაზე ვაჟთა შორის ორივე ფინალისტი გამოვლინდა. რაფაელ ნადალის შემდეგ, ფინალში თამაშის უფლება რუსმა დანილ მედვედევმა მოიპოვა, რომელმაც ბერძენი სტეფანოს ციციპასი 4 სეტში - 7:6 (7-5), 4:6, 6:4, 6:1 დაამარცხა.
Going for back-to-back Grand Slams titles ???? @DaniilMedwed defeats Stefanos Tsitsipas in 4️⃣: 7-6 4-6 6-4 6-1 ????
— ATP Tour (@atptour) January 28, 2022
????: @AustralianOpen | #AusOpen | #AO2022 pic.twitter.com/bEMltxvlsU
შეხვედრა 2 საათსა და 30 წუთს გაგრძელდა და მედვედევი აშკარად მოწოდების სიმაღლეზე იყო. რუსმა მეტოქეს ყველა სათამაშო ასპექტში აჯობა, რაც შედეგზეც აისახა.
აღსანიშნავია, რომ მეორე სეტში მედვედევი წყობიდან გამოვიდა და მთავარ მსაჯს შეურაცხყოფა მიაყენა:
„მამამისი (ციციპასის მამა) ყოველ გათამაშებაზე ლაპარაკობს. სულელი ხარ?! ის უნდა დასაჯო!
შენ იგი უნდა გააფრთხილო, თუ ამას არ გააკეთებ... მაშინ შენ პატარა კატა ყოფილხარ“.
- უთხრა მედვედევმა არბიტრს.
„Look at me, I‘m talking to you“, „Are you mad?“, „How can you be so bad?“ - just wow #AusOpen #medvedev #Tsitsipas #AustralianOpen2022 @Eurosport_DE pic.twitter.com/utkZtSabCv
— Noah Platschko (@platschinho) January 28, 2022
აპოსტოლოს ციციპასი, სტეფანოსის მამა შეხვედრის მსვლელობისას რჩევების მიცემით გამოირჩევა, რაც წესების მიხედვით აკრძალულია. მედვედევის აღშფოთება ლოგიკური იყო, თუმცა რუსს აშკარად ზედმეტი მოუვიდა, საბოლოოდ კი არბიტრმა მას გაფრთხილება მისცა.
საოცარი გათამაშება და მედვედევის ქულა
We’re in for a fun night of tennis ????
— ATP Tour (@atptour) January 28, 2022
????: @AustralianOpen | #AusOpen | #AO2022
pic.twitter.com/WKZ10s8Bk1
შეგახსენებთ, რომ ფინალში მედვედევი რაფაელ ნადალს დაუპირისპირდება, რომელმაც მატეო ბერეტინი 4 სეტში, სამ საათიან ბრძოლაში 6:3, 6:2, 3:6, 6:3 დაამარცხა და ისტორიულ (21-ე დიდი სლემი) ტიტულს მიუახლოვდა.
