Transfermarkt: ლობჟანიძის ფასი კოლოსალურად გაიზარდა
Aa
Aa

Transfermarkt: ლობჟანიძის ფასი კოლოსალურად გაიზარდა

საქართველოს ნაკრების და თურქული „ჰატაისპორის“ ფეხბურთელი საბა ლობჟანიძე შესანიშნავ ფორმაში იმყოფება. მიუხედავად იმისა, რომ საბა „ჯვაროსნების“ რიგებში არ ბრწყინავს, საპირისპიროა თურქეთში.

ცნობილი გამოცემა Transfermarkt მუდმივად ანახლებს ფეხბურთელების ფასებს და გამონაკლისი არც დღევანდელი შემთხვევა გახლავთ. ლობჟანიძის სატრანსფერო ღირებულება დღევანდელ დღემდე 1 500 000 ევრო იყო.

დღეს კი ვიგებთ, რომ 27 წლის გარემარბის ღირებულება 3 400 000 მილიონი ევროა და ის ამ შედეგით ქართველ ფეხბურთელებს შორის მეორე ადგილზე გადავიდა. საბაზე წინ მხოლოდ ხვიჩა კვარაცხელიაა, რომელიც 18 მილიონი ევრო ღირს.

ტოპ 10 ქართველი ფეხბურთელი სატრანსფერო ღირებულების მიხედვით

ხვიჩა კვარაცხელია - 18 000 000

საბა ლობჟანიძე - 3 400 000

დავით ხოჭოლავა - 3 000 000

ოთარ კიტეიშვილი - 3 000 000

გიორგი ჩაკვეტაძე - 2 700 000

საბა კვერკველია - 2 500 000

ჯიმი ტაბიძე - 2 500 000

ზურიკო დავითაშვილი - 2 500 000

ლევან შენგელია - 2 000 000

გიორგი მიქაუტაძე - 1 800 000

ლობჟანიძე მიმდინარე სეზონში

ქართველი ფეხბურთელი „ჰატაისპორში“ მიმდინარე წლის ზაფხულში თავისუფალი აგენტის სტატუსით გადავიდა. საბამ დღემდე 7 შეხვედრაში მიიღო მონაწილეობა, 3 გოლი გაიტანა და 4 საგოლე გადაცემა შეასრულა. ჯამში კი ლობჟანიძემ 7 გოლში მიიღო მონაწილეობა.

გამოიწერეთ ჩვენი Youtube არხი

 

მსგავსი სიახლეები

ცხელი ამბები